
لو سألت حد بيفكر يدخل الاستثمار الزراعي ليه يختار النخيل بالذات، غالبًا هيكلمك عن عمر النخلة قبل أي حاجة تانية.
أصل ثابت ويزيد
في الزراعات الموسمية، بتزرع وتحصد، وبعد ما المحصول يتباع بيفضل معاك الأرض بس، والدورة تبدأ من الأول.
النخلة بتفضل في الأرض وتشتغل معاك لأكتر من 70 سنة لو اتراعت صح، وإنتاجها بيزيد تدريجيًا مع عمرها لحد ما توصل لذروة إنتاجها. واللي بتستثمر فيه هنا بيكبر سنة ورا سنة.
وعشان كده بنقول إن نخيل باسقات أصلها ثابت ويزيد.
الطلب والتسويق
التمور مطلوبة في معظم الأسواق طول السنة، وده بيديها طلب ثابت نسبيًا مقارنة بمحاصيل تانية. والمجدول تحديدًا، اللي بيتسمّى ملك التمور، من أعلى الأصناف قيمة وطلبًا، وهو الصنف اللي بنزرعه في باسقات.
المجدول سلعة تصديرية، وسعره مرتبط بالسوق العالمي مش بالسوق المحلي بس. وقيمته الفعلية بتزيد كمان مع جودة الزراعة والفرز والتسويق.
وفي نخيل باسقات، الشركة هي اللي بتسوّق المحصول وبتبيعه.
التحديات اللي لازم تحسبها
زي أي استثمار زراعي حقيقي، فيه تحديات لازم تعرفها. أول موسم حصاد بيبدأ بعد حوالي 4 سنين من الزراعة، وبعدها الإنتاج بيزيد تدريجيًا. وفيه مخاطر مناخية وتشغيلية ممكن تأثّر على المحصول، وأسعار بتتغير من موسم لموسم.
وعشان كده الإدارة جزء أساسي من الاستثمار نفسه. في نخيل باسقات، الشركة مسؤولة عن الزراعة والرعاية والتشغيل والبيع من أول يوم، ومش محتاج تفهم في زراعة النخيل عشان تستثمر. الحد الأدنى فدان، وسعره بيشمل الأرض وكل تكاليف الزراعة والإدارة، ومفيش رسوم صيانة سنوية منفصلة.
اللي عليك إنك تتابع. بتوصلك تقارير دورية مصورة عن حالة المزرعة والشغل اللي اتعمل، وتقدر تطلب اجتماع أو تزور الأرض بنفسك.
قبل ما الفسيلة تنزل الأرض
أغلب الشغل في مشروع النخيل بيحصل قبل الزراعة، وده اللي اتعمل في المشروع قبل أول فسيلة.
بدأنا بالمياه. حفرنا الآبار، وحلّلنا المياه واتأكدنا إنها مناسبة للنخيل، وعملنا حوضين ترسيب سعتهم الإجمالية 30 ألف متر مكعب بينضفوا المياه من الرواسب، ودول الأمان المائي للمشروع. والتشغيل كله بالطاقة الشمسية، عشان تكلفة التشغيل تقل على المدى البعيد.
بعدها ركّبنا شبكات الري الرئيسية والفرعية واختبرناها كلها، عشان كل فسيلة يوصلها احتياجها من المياه بالظبط. وفريق الهندسة المساحية حدد مكان كل جورة وحسب المسافات بينها، وكل جورة اتجهزت بالكومبوست والسماد واتخمّرت مع التربة قبل الزراعة.
وفي الآخر الفسائل نفسها. بنختارها سليمة، من غير إصابة فطرية ولا سوسة، وجذورها قوية، وبنطهّرها بمبيد فطري ومبيد حشري قبل ما تتزرع.
من الفكرة للأرض
مزرعة نخيل باسقات في الفرافرة بمحافظة الوادي الجديد، على أرض مساحتها 1033 فدان.
اخترنا الفرافرة لأن عندنا فيها خبرة تشغيل وزراعة فعلية، والموقع اتحدد بعد تحاليل للمياه والتربة.
والبنية الأساسية جاهزة وشغالة: آبار، وأحواض ري، وطاقة شمسية، ومولد ديزل احتياطي، وشبكة طرق، وشبكة ري. وده مهم تسأل عنه في أي مشروع.
نخيل باسقات
لو الفكرة دي شدّت انتباهك، تقدر تعرف إزاي باسقات بتشتغل بالتفصيل، أو تطلب تفاصيل الاستثمار مباشرة، من غير أي استعجال.
الاستثمار في النخيل قد يكون خياراً جيداً لمن يبحث عن أصل حقيقي طويل الأجل، لكنه يتطلب صبراً ورؤية واقعية للتوقعات.



