باسقات Logo
تواصل معنا
Pattern
الاستثمار الزراعي

الاستثمار في مصر للمغتربين: إزاي تتابع استثمارك الزراعي وإنت بره مصر ؟

الاستثمار في مصر للمغتربين: إزاي تتابع استثمارك الزراعي وإنت بره مصر ؟

لو إنت شغال بره مصر وبتفكر تستثمر جزء من فلوسك في مصر، غالبًا أول سؤال هييجي في دماغك، قبل العائد والمدة، هو: مين هيتابع استثماري وأنا بره؟

الاستثمار في مصر للمغتربين: المشكلة في المسافة

ناس كتير من اللي بره جربوا قبل كده يستثمروا في مصر عن طريق قريب أو صاحب يتابعلهم. في الأول كل حاجة بتبقى ماشية، وبعد كام شهر الشخص ده بينشغل في حياته أو يحصله ظرف، ففي الآخر هو فرد مش مؤسسة. والتحديثات اللي كانت بتوصلك كل أسبوع تبقى كل شهر، وبعدين تقف خالص. ولما تنزل إجازة تلاقي الصورة مختلفة عن اللي كنت متخيله. ونفس الكلام بيحصل مع اللي بيشتري أرض ويحاول يديرها من بره، ولو لسه محتار بين الطريقتين، اقرأ هذا المقال، www.basseqat.com/Ar/blog/buy-farmland-yourself-or-invest-in-a-project-someone-else-manages

وفي الاستثمار الزراعي بالذات، المسافة دي بتفرق أكتر، لأنه رحلة تأسيس طويلة. النخلة بتاخد حوالي 4 سنين قبل أول موسم حصاد، يعني فيه سنين كاملة مفيش فيها إنتاج تقدر تحكم منه إن الشغل ماشي صح. والحاجة الوحيدة اللي تطمنك في الفترة دي إنك تعرف اللي بيحصل أول بأول.

المتابعة بتبدأ قبل ما توقع على العقد

أهم مرحلة في متابعة استثمارك بتيجي قبل ما تدفع. اطلب العقد كامل واقراه على مهلك،واعرضه على محامي بتثق فيه. واسأل سؤال واضح: إيه التقارير اللي هتوصلني؟ وإمتى؟ ومين اللي بيعملها؟

نرحب جدًا إنك تزور الأرض بالتنسيق معانا وإنت لسه بتقرر، ولو مش هتقدر تنزل، اطلب تشوف المزرعة بالصور والفيديو. وأكيد هنجاوبك على كل الأسئلة دي بوضوح من الأول.

إيه التقارير اللي نخيل باسقات بتوفرهالك وانت مسافر؟

إنت مش محتاج تعرف كل تفصيلة في الري والتسميد. اللي محتاجه إن المعلومة المهمة توصلك في وقتها.

في أي استثمار زراعي مُدار، فيه حد أدنى لازم تسأل عليه: تحديثات مصورة من المزرعة نفسها بشكل دوري، وتقرير مالي بعد الحصاد فيه المصاريف والعوائد. المستندات دي هي اللي بتخليك تتأكد بنفسك وإنت بره، بدل ما تستنى حد يطمنك.

إجازتك فرصة تشوف بعينك

المزرعة مفتوحة للزيارة طول السنة، وإجازتك فرصة كويسة تطابق فيها اللي بيوصلك في التقارير باللي بيحصل على الأرض. شوف حالة النخل، واسأل عن الري والرعاية، واتكلم مع الفريق اللي شغال هناك. زيارة واحدة في السنة كفاية تديك صورة واضحة.

نخيل باسقات

نخيل باسقات مشروع استثمار زراعي شامل، متخصص في نخيل المجدول، في واحة الفرافرة بمحافظة الوادي الجديد. إحنا علينا الزراعة والرعاية والحصاد وتسويق الإنتاج، وإنت عليك تتابع وتتأكد. بتوصلك تحديثات مصورة على قناة تليجرام خاصة بالمشاركين، وتقدر تزور المزرعة في أي وقت في السنة. لو حابب تعرف المتابعة بتمشي إزاي بالتفصيل، كلمنا وهنشرحلك خطوة بخطوة.

هل لديك أسئلة؟

تواصل معنا لمعرفة المزيد عن مشاريعنا

احجز مكالمة